இன்று காலையில் எழுந்தவுடன் நீங்கள் செய்த முதல் காரியம் என்ன? அலாரத்தை ஆஃப் செய்திருப்பீர்கள், அல்லது வாட்ஸ்அப் மெசேஜ்களைப் பார்த்திருப்பீர்கள். இந்த ஒரு சின்னச் செயலுக்குள்ளேயே ஒரு பெரிய உலகம் ஒளிந்திருக்கிறது. அதுதான் ICT (Information and Communication Technology).
ஐ.சி.டி (ICT) என்றவுடன் ஏதோ பெரிய கணினி மென்பொருள் என்று பயப்படத் தேவையில்லை. எளிமையாகச் சொன்னால், தகவல்களைப் பெறுவதற்கும், அதை மற்றவர்களுக்குப் பகிர்வதற்கும் நாம் பயன்படுத்தும் அனைத்துத் தொழில்நுட்பங்களுமே ICT தான்
1. அன்றாட வாழ்வில் ICT :
பழைய காலத்தில் ஒரு செய்தி ஊருக்குப் போய் சேர பல நாட்கள் ஆகும். ஆனால் இன்று? லண்டனில் இருக்கும் உங்கள் நண்பருடன் வீடியோ காலில் பேசிக்கொண்டே டீ குடிக்கலாம்.
i.தகவல் (Information) - நீங்கள் பேசும் செய்தி.
ii.தொடர்பு (Communication) - அந்த வீடியோ கால்.
iii.தொழில்நுட்பம் (Technology) - உங்கள் கையில் இருக்கும் ஸ்மார்ட்போன் மற்றும் இன்டர்நெட்.(இந்த மூன்றின் கூட்டணிதான் ICT.)
2. இது நமக்கு ஏன் முக்கியம்?:
இன்று இது வெறும் பொழுதுபோக்கு மட்டுமல்ல, நம் வாழ்வாதாரமாகவும் மாறிவிட்டது:
i.'கல்வி:'வகுப்பறைக்குச் செல்லாமலேயே உலகத்தரம் வாய்ந்த பாடங்களை வீட்டிலிருந்தே கற்கலாம்.
ii.'மருத்துவம்:'வெளிநாட்டில் இருக்கும் மருத்துவரிடம் ஆன்லைன் மூலம் ஆலோசனை பெறலாம்.
iii.'நிர்வாகம்:'வங்கிக்கோ அல்லது அரசாங்க அலுவலகத்திற்கோ அலைந்து திரியாமல், ஒரு பட்டனைத் தட்டி வேலைகளை முடிக்கலாம்.
3. தலைமுறைகளை இணைக்கும் பாலம்:
எங்கள் தாத்தா காலத்தில் ரேடியோ ஒரு பெரிய அதிசயம். அப்பா காலத்தில் டெலிவிஷன் ஒரு ஆச்சரியம். இன்று உங்கள் கையில் இருக்கும் இன்டர்நெட் ஒரு மாயம்.
60 வயது பெரியவர் தனது பேரனுடன் வீடியோ காலில் பேசுவதும் ICT தான்; ஒரு இளைஞன் ஆன்லைனில் கோடிங் செய்வதும் ICT தான். இது வயதானவர்களுக்கும் புதிய தலைமுறைக்கும் இடையிலான இடைவெளியைக் குறைத்துவிட்டது.
இறுதியாக ICT என்பது ஏதோ ஒரு பாடம் அல்ல; அது நாம் சுவாசிக்கும் காற்று போல நம் வாழ்வோடு கலந்துவிட்டது. இதைச் சரியாகப் பயன்படுத்தத் தெரிந்தால், உலகம் உங்கள் விரல் நுனியில் இருக்கு
Comments